Loredana Zefi u bë fillimisht e njohur për publikun si partnerja e reperit Mozzik, e cila shfaqej në çdo videoklip të të dashurit dhe po mblidhte pak nga pak mijëra ndjekës në profilin e saj në Instagram.
Më pas, ajo nisi të bëjë rep dhe i bëri të gjithë për vete me talentin e saj, duke mbledhur admirues të shumtë dhe duke mbushur plot radhët e koncerteve.
Tashmë Loredana është një ndër figurat më të njohura të showbizit, e cila komentohet shumë jo vetëm për suksesin e arritur, por edhe për marrëdhënien e saj me Mozzik, nga e cila janë bërë prindër të vogëlushes Hana.
Mirëpo, jeni kuriozë të dini si dukej Loredana para se të bëhej kaq e famshme?
Faqja “Vipat e bllokut” në Instagram ka ndarë me ndjekësit një foto të vjetër të reperes, e cila ka pozuar në moshë më të re.
Loredana shfaqet me flokë të zeza teksa buzëqesh para kamerës dhe në një moment s’e njohëm me këtë pamje, pasi jemi mësuar ta shohim gjithmonë bjonde.
Një javë më parë, reperja promovoi albumin e saj të parë të titulluar “King Lori”, ku morën pjesë artistë të njohur shqiptarë e të huaj.
Albumi përmban këngët më të bukura të reperes dhe sigurisht që këtë arritje ajo ia dedikoi vogëlushes së saj, Hanës.
