Pasi fotoja e tij u përzgjodh në mesin e 100 fotove më të mira, vogëlushi shqiptar Beni Godeni u shfaq në ekranin e madh të “Times Square” në New York.
I vogli është me Sindromën Down, ndaj edukatorja e tij Fjolla Rraci, e cila jeton prej vitesh në Amerikë, dërgoi foton e Benit në konkursin nga Shoqata Ndërkombëtare e Sindromës Down.
Fotoja e tij u përzgjodh si një ndër fotot më të bukura për t’u publikuar në ekranin gjigant dhe sigurisht që ky moment s’mund t’i shpëtonte edukatores.
Ajo ka ndarë në profilin e saj në Facebook fotot e të voglit ndërsa krahas postimit shkruan:
“O Ben Godeni, New York-u kurrë s’është duk’ ma bukur se sot!
T’du fort o Ben, fort !”
Prindërit e të voglit nuk ishin në dijeni, mirëpo janë gëzuar pa masë kur kanë parë të birin në ekranin gjigant në New York.
