Temperaturat e larta të verës gjatë këtij viti kanë sjellë vazhdimisht zjarre në sipërfaqet e pyjeve të Shqipërisë.
Prej tre ditësh, një pyll në Bulqizë është përfshirë nga flakët.
Zjarri ka rënë në Vlashaj dhe flakët kanë shkrumbuar një sipërfaqe të madhe me pisha.
Sipas “Lapsi.al”, në këtë fshat janë djegur deri tani 10 hektarë me sipërfaqe të pyllëzuar, ndërsa një tjetër vatër zjarri është aktive në njësinë e Shupenzës.
Zjarri po rrezikon ndërtesat dhe banorët, mirëpo fikja e tij është e pamundur për shkak të terrenit të vështirë.
