Ajo ka vetëm dy ditë që ka lancuar koleksionin e ri të korseve “Skims”, më 10 shtator 2019, dhe tashmë dihet që kjo nismë e Kim Kardashian lidhet me eksperiencat e saj me celulitin ndër vite.
Po ndërkohë që diskutonte për eksperiencat e saj në emisionin “The Tonight Show” me Jimmy Fallon, 38-vjeçarja tregoi një moment mjaft të sikletshëm që i kishte ndodhur në çmimet Emmys.
Kim Kardashian tregoi fjalë për fjalë se e kishte bërë në brekë në përpjekje për të urinuar.
Kjo deklaratë vjen pasi Kim tregoi se është në pikëpyetje nëse duhet ose jo të vendosë një vrimë në pjesën intime të korseve, për ta bërë më të lehtë kryerjen e nevojave personale.
“Poshtë një fustani për në Emmys u mundova të përdorja funksionin e vrimës në korse por e bëra gjithandej, pasi nuk funksiononte”.
Kim Kardashian tregoi gjithashtu se ka mungesë vetëvlerësimi dhe është munduar të luftojë me celulitin sa herë që ndonjë foto paparacësh tregonte sesi dukej ajo në të vërtetë.
