Një vit më parë, aktori Ermal Mamaqi dhe bashkëshortja e tij, Amarda Toska, u bënë prindër për herë të dytë.
Ami solli në jetë vogëlushen Sia, e cila ka gjithashtu një vëlla më të madh, Joelin.
Ermali dhe Ami kanë qenë të rezervuar në publikimin e portretit të së voglës dhe rrallëherë e kemi parë atë në disa foto apo video në rrjete sociale.
Mirëpo mbrëmjen e sotme, moderatorja ka vendosur të ndajë me ndjekësit një video shumë të këndshme të së voglës, të cilën po përpiqet ta vërë në gjumë.
Sia shfaqet duke lëvizur në shtrat teksa mban një libër në dorë, ndërsa ne na tërhoqi vëmendjen dekori i dhomës së të voglës.
Në të mbizotëron ngjyra e bardhë, ndërsa pranë shtratit duket një perde ngjyrë rozë dhe një kolltuk i bardhë.
“Natënn”-shkruan Ami krahas videos së të voglës, e cila duket shumë aktive megjithëse i ka ardhur orari i gjumit.
