Ku ka humbur Renee Zellweger? Për gjashtë vitet e fundit ajo ka marrë një pushim nga aktrimi dhe ka udhëtuar e lumtur me të dashurin e saj muzikant.
Aktroja e famshme njihet për rolin e saj të shumëpërfolur të “Bridget Jones”.
Së bashku me të dashurin e saj muzikant dhe miken e saj të ngushtë, aktorja ka vizituar vende të ndryshme të botës dhe ka bërë një pauzë të gjatë reflektimi.
“Vitet e fundit kanë qenë argëtues. Kam udhëtuar në Azi me një mike, kam marrë trenin në Vietnam dhe kam ecur përgjatë kufirit të Kamboxhias”, thotë ajo.
Por, jo të gjitha udhëtimet kanë qenë luksoze. 47-vjeçarja ka kaluar disa aventura të bukura në vende të panjohura me të dashurin e saj Doyle Bramhall II.
Aktorja gjithashtu ka kaluar kohë në Los Angeles, me familjen e saj dhe të dashurin prej katër vitesh. Duke e njohur atë që kur ishte e re dhe jetonte në Austin, ajo thotë se marrëdhënia ka qenë solide falë së kaluarës së përbashkët. “Ka një familjaritet mes nesh, atë ndjenjë që e keni kur jeni me dikë dhe ju e dini që jeni në shtëpi”.
Së fundmi ajo ndodhet në Londër dhe është gati t’i rikthehet aktrimit. Renee është duke punuar për filmin “Bridget Jones’s Baby”, i cili do të dalë në kinema më 16 shtator.
Burimi: People
