Dashi
Zakonisht jeni shumë të shoqërueshëm dhe ju pëlqen të jeni të rrethuar me njerëz, por sot dëshironi të qëndroni vetëm. Ndjeheni pa energji dhe pak pa qejf. Ndoshta ju ndihmon një shëtitje në park ose ndonjë aktivitet tjetër, mjafton të mos rrini në shtëpi. Shumë shpejt do ktheheni në normalitet.
Demi
Një grup miqsh ju ka kërkuar të dilni me ta, por ju nuk keni shumë dëshirë ta bëni dhe shkak mund të jetë gjendja juaj financiare. Duhet të tregoheni pak të shtrënguar në shpenzime. Gjithsesi, nuk keni dëshirë ta kaloni mbrëmjen vetëm, kështu që mund të organizoni diçka në shtëpi.
Binjakët
Sot do të ngriheni me shumë energji dhe dëshirë për t’u marrë me ndonjë aktivitet fizik. Puna mund t’ju krijojë një pengesë, por mos lejoni që kjo t’ju presë vrullin. Përfundoni punët sa më shpejt dhe filloni aktivitetin që doni. Shfrytëzojeni energjinë e sotme.
Gaforrja
Sot ndjeheni pa energji dhe nuk keni dëshirë që të rrini me njerëz të tjerë, por as të qëndroni vetëm. Jeni shumë konfuze dhe as vetë nuk e dini se çfarë kërkoni. Më e mira do të ishte të merrnit pjesë në ndonjë aktivitet argëtues dhe të hiqni mendjen nga gjërat që ju shqetësojnë.
Luani
Rruga e karrierës dhe qëllimet tuaja financiare duket sikur janë bllokuar dhe kjo do ju mërzisë shumë. Mos lejoni që t’ju kapë paniku, pasi kjo gjendje nuk është e përhershme. Shumë shpejt, gjërat do kthehen në normalitet. Ndërkohë mundohuni të largoni mendjen duke u marrë me aktivitete argëtuese.
Virgjëresha
Një kolegu juaj mund të jetë në humor të keq sot dhe kjo mund tju transmetohet dhe juve. Gjendja e tij/saj do e vështirësojë përfundimin e punëve, por mundohuni ta kuptoni dhe ta ndihmoni. Mos u ndjeni fajtor nëse nuk arrini ta përfundoni punën në kohë.
Peshorja
Planet për të shkuar diku me pushime apo me punë, mund të mos realizohen sot. Ajo që keni planifikuar mund të shtyhet për më vonë dhe ju do të ndjeheni pak të zhgënjyer. Shfrytëzoni këtë vonesë për të përfunduar disa punë të lëna pezull.
Akrepi
Sot nuk është një ditë e mirë për të provuar fatin diku apo për të kërkuar një rritje rroge në punë. Përgjigjet mund të mos jenë ato që prisnit. Gjithashtu, do të ndjeni një bllokim dhe nga aspekti i romancës, pasi nuk jeni në humor për të takuar partnerin/en apo për të njohur njerëz të rinj. Kalojeni mbrëmjen të qetë në shtëpi.
Shigjetari
Sot dëshironi të rrini gjithë ditën në dhomë dhe të mos keni praninë e njerëzve të tjerë përreth, as të familjarëve tuaj. Puna e tepërt ju ka bërë të ndjeheni të lodhur dhe të mërzitur. E vetmja gjë që doni, është të qëndroni shtirë dhe të relaksoheni për të fituar energjitë dhe për të marrë veten.
Bricjapi
Sot është një nga ato ditët, në të cilat është shumë e vështirë për të patur rezultate të mira nga puna. Do të gjeni justifikime për t’u shkëputur shpesh nga puna, por do të ishte më mirë sikur të përfundonit shpejt punët më urgjente dhe pjesën tjetër të ditës ta bënit pushim.
Ujori
Sot kishit planifikuar të shpenzonit, por një kontroll i gjendjes tuaj financiare do ju ndalojë. Është më mirë sikur të prisni paratë e muajit tjetër për çdo shpenzim që keni ndërmend të bëni. Gjërat nuk janë urgjente, kështu që mund të bëheni të duruar. Merruni me ndonjë aktivitet tjetër sot.
Peshqit
Mungesa e energjisë fizike dhe mendore, do ju ulë humorin dhe nuk do të keni dëshirë të bëni asgjë. Jeni të mërzitur me faktin që dhe sot duhet të punoni. Mundohuni ta mbyllni punën sa më shpejt dhe kalojeni mbrëmjen në një vend argëtues.
