Këto ditë po bën xhiron e rrjetit lajmi i ndarjes së Robert Berishës dhe Nora Istrefit.
Ishte Roberti ai që dha lajmin në profilin e tij në Instagram, ku krahas fotos me Norën dhe të voglën Renee, shkruante se çifti kishte marrë vendimin për t’u ndarë.
Të shumta kanë qenë arsyet e përfolura për ndarjen e tyre, mirëpo ende nuk dihet vërtetë se çfarë i çoi Norën dhe Robertin drejt këtij vendimi.
Së fundmi, ishte këngëtari ai që kishte ndarë më shumë momente me të voglën në Instagram dhe të gjithë menduam se Renee po qëndron me të.
Mirëpo pas këtyre lajmeve, Nora ka reaguar në profilin e saj në Instagram.
Disa orë më parë ajo tregoi se ishte në aeroport dhe po largohej nga Prishtina, ndërsa së fundmi ka treguar se ka edhe të voglën me vete.
Këngëtarja e ka filmuar Renee-n teksa ha akullore pranë saj.
Në një tjetër postim ajo shfaqet me të bijën, të ulura pranë njëra tjetrës, ndërkohë që Nora e përkëdhel mbi kokë.
Nora dhe Roberti janë ndarë me mirëkuptim nga njëri-tjetri, ndaj dhe Renee s’do ta ketë të vështirë t’i takojë të dy prindërit e saj sa herë të dojë.
