Ish-trajneri i Spanjës dhe Barcelonës Luis Enrique ka njoftuar se në moshën 9-vjeçare ka humbur vajzën e tij, Xana.
Lajmin e hidhur e ka dhënë nëpërmjet një deklarate ku tregon se vogëlushja e tij luftoi për më shumë se 5 muaj me sëmundjen, por në fund nuk ka mundur t’ja dalë.
‘Vajza jonë ka ndërruar jetë këtë pasdite, në moshën 9-vjeçare, pas 5 muajsh luftë intensive kundër osteosarkomës. Duam të falënderojmë të gjithë mesazhet që kemi marrë këto muaj dhe i vlerësojmë. Duam të falënderojmë stafin e spitalit “San Joan de Deu and Sant Pau”, për përkushtimin e tyre. Do të na mungosh shumë, por ne do të kujtojmë çdo ditë të jetës sonë dhe shpresojmë që në të ardhmen të takohemi sërish. Do jesh ylli që drejton familjen tonë. Pusho e qetë Xanita”, shkruan tekniku.
Në qershor, Enrique u tërhoq si trajner i Kombëtares Spanjolle, ku tregoi se arsye për vendimin ishin problemet familjare, duke preferuar të mos e ndajë publikisht situatën e tij të vështirë.
