Më 27 gusht të vitit të kaluar, këngëtarja e njohur Adelina Tahiri u bë nënë për herë të parë. Ajo solli në jetë vogëlushin Jon, i cili ditën e djeshme festoi 1-vjetorin e tij të lindjes.
Të shumta ishin urimet për të voglin në foton që Adelina publikoi në profilin e saj në Instagram, ku i shprehte dashurinë e madhe të birit të saj.
“Falenderoj Zotin që të kam! Urime ditëlindjen e parë jeta mamit! Shëndeti dhe lumturia qofshin gjithmonë me ty.”-shkruante këngëtarja në foton me Jonin.
Pak më parë, Adelina ka treguar dhuratën speciale që ka zgjedhur për të voglin, të cilën e ka ndarë me të gjithë fansat e saj.
Ajo ka publikuar një foto ku tregon yjet në Skopje të Maqedonisë në orën 02:59 të natës më datën 27 gusht 2018, pikërisht në momentin kur ka lindur Joni.
“Jon, ty të zgjodhëm nga ky qiell”, shkruhet në foton e cila me siguri do të jetë një ndër dhuratat më speciale të të voglit gjatë gjithë jetës së tij.
