Prej disa ditësh, në media po përflitet për një krizë në çift mes Marina Vjollcës dhe Getoar Selimit.
Burime pranë dyshes treguan se dy vite pas martesës, mes tyre kishin nisur problemet.
U mësua se arsyeja e zënkës së tyre ishte dëshira e Marinës për t’u rikthyer në ekran, gjë që nuk i ka pëlqyer aspak Getoarit.
Ata nuk kishin pozuar më së bashku në Instagram, nuk kishin bërë më dedikime për njëri-tjetrin dhe nuk ishin parë më të shoqëroheshin bashkë.
Mirëpo, burime për “Iconstyle.al” i kanë fotografuar mbrëmjen e sotme Marinën dhe Getoarin rrugëve të Tiranës, në zonën e pedonales.
Marina shfaqej e veshur me të bardha dhe flokët e mbledhura bisht, teksa ecte përkrah Getoarit. Ata shoqëroheshin nga një tjetër çift, me të cilin po shkonin për të darkuar në njërin prej restoranteve të Tiranës.
Me këtë foto u vërtetua njëherë e mirë që Marina dhe Getoari jo vetëm që nuk po kalojnë një krizë në çift, por po i shijojnë më së miri së bashku këto ditë të nxehta gushti.
