Shumë shpejt, aktori dhe producenti Ermal Mamaqi, do të publikojë filmin e tij më të ri i cili do të titullohet “I love Tropoja”.
Prej disa ditësh ai ka ndarë në Instagram momente të ndryshme nga xhirimet, duke zbuluar edhe një pjesë të kastit të aktorëve.
Së fundmi, ende pa publikuar filmin, ai ka zbuluar për ndjekësit në rrjete sociale një skenë epike nga “I love Tropoja”, ku shfaqen aktorët Mariana Kondi, Pranvera Veizi, Bruno Shllaku dhe Bujar Asqeriu.
“Ej po ju them… Do ju shpëtojë çiçi nga ky film…”-shkruan Mamaqi krahas videos ku aktorët shfaqen duke qeshur me të madhe.
Ditën e sotme, Ermali zbuloi se pjesë e filmit të tij do të jetë edhe aktorja e njohur shqiptare, Pranvera Veizi, e cila i ka munguar kinematografisë shqiptare për 30 vite.
