Në muajin shkurt, Elita Rudi dhe Gjiko u bënë prindër për herë të parë. Moderatorja solli në jetë vogëlushin Zëri, i cili është bërë kryefjala e jetës së çiftit dhe ata ndajnë vazhdimisht momente me të voglin në profilet e tyre në Instagram.
Ditën e djeshme, Zëri belbëzoi fjalën e tij të parë “mama”, gjë e cila e gëzoi jashtë mase çiftin.
Sot, Gjiko ka treguar për ndjekësit se ata po përgatisin dhomën e të voglit, të cilën po e shtrojnë me sfungjer në formë puzzle-i, për ta bërë më komfort qëndrimin e tij në dysheme.
“Vazhdojmë”, dëgjohet të thotë Gjiko në videon ku tregon dhomën e Zërit në përgatitje e sipër, ndërsa më vonë me siguri do të na tregojë detaje të tjera të arredimit të dhomës.
Kujtojmë se dy javë më parë, reperi solli bashkëpunimin me Butën, të titulluar “My bro”. Kënga u pëlqye mjaft nga publiku dhe tashmë ka arritur 2.5 milionë klikime në Youtube.
