Vogëlushja e Rezarta Shkurtës dhe Ermal Hoxhës, Hera, është një ndër fëmijët më të njohur në Instagram.
Herë pas here në profilin e saj, Rezarta ndan foto e video me Herën, e cila ka bërë për vete publikun me çiltërsinë e sinqeritetin e saj.
Së fundmi, këngëtarja ka treguar se e bija është super e talentuar në pikturë dhe këtë s’e dinim më parë!
Hera shfaqet duke pikturuar në telajo disa luledielli dhe mund të vihet re qartë talenti i saj.
“Hera piktoria”, shkruan Rezarta krahas postimit të së bijës.
Prej vitesh këngëtarja i është larguar muzikës, duke iu përkushtuar pasionit të saj për fotografinë dhe biznesit personal. Mesa duket, këtë pasion për fotografinë e pikturën, Rezarta ia ka kaluar edhe Herës.
