Ditët e fundit ka shpërthyer një debat midis dy reperëve të njohur shqiptarë, Duda dhe Unikkatili.
Pasi ky i fundit bëri me dije se do të mbajë një koncert në Gjilan, Duda shpërtheu kundrejt tij në kërcënime publike.
Ai u shpreh pak ditë më parë se nëse Unikkatili do të shkojë në Gjilan duhet të marrë lejë prej tij.
Mirëpo, të mos mjaftonte kjo, pak para nisjes së koncertit Duda vazhdoi me kërcënimet duke u shprehur se nuk do e lejonte Unikkatilin ta shante në shtëpinë e tij.
Por mesa duket Unikkatili nuk e ka dëgjuar këshillën e tij dhe në mes të koncertit i ka pasur dy fjalë për reperin.
Ai i tregon se fansat në Gjilan e duan më shumë atë sesa Dudën që është nga ai qytet. Ai thekson se nuk i merr askujt lejë për koncertet e tij.
Koncerti ka vazhduar i qetë dhe pa incidente, ndërkohë jemi duke pritur të shohim si do të vazhdojë debati mes tyre.
