Në Shtetet e Bashkuara të Amerikës nuk ka qetësi këtë javë.
Vetëm pak ditë pas sulmeve me armë në El Paso të Teksasit dhe Dayton të Ohio-s që morën jetën e 31 personave një tjetër krim i tmerrshëm ka ndodhur.
Mediat e huaja raportojnë se i radhës ka ndodhur në California ku një person i paidentifikuar ka shtënë me armë dhe për pasojë kanë mbetur të vdekur 4 persona dhe dy të tjerë janë të plagosur.
Thuhet se krimet kanë lidhje me njëri-tjetrin, megjithatë policia po heton për zbardhjen e ngjarjeve.
Situata në SHBA është përkeqësuar ditët e fundit, madje thuhet se shumë shpejt do të nisin edhe protestat në kërkim të sigurisë publike.
