Gashit s’i lanë gjë pa thënë pas performancës së tij në koncert!
Gjatë momentit kur reperi u hodh në mesin e publikut, dikush e kapi nga fytyra dhe vathi dhe varësja e tij me simbolin e shqiponjës u rrëzuan përtokë.
Kjo bëri që këngëtari të ofendonte dhe të shante në festivalin Sunny Hill, duke bërë që publiku të reagonte keq.
Dje Gashi kërkoi falje dhe tha se është faji i tij që i do shumë fansat aq sa për të zbritur t’i takojë ata!
Pas shumë kritikave që mori lidhur me sjelljen, Gashi i revoltuar, ka publikuar një foto të një mesazhi që një fans ia kishte dërguar.
“Përshëndetje Gashi, isha në Sunny Hill dhe ju po shisnit bluzat për fansat dhe unë nuk kisha para dhe ju më dhatë 20 euro të blija një dhe nuk mendoj se çdo këngëtar do ta bënte këtë, kështu që mendoj se je i madh dhe duhesh të ndihesh krenar për veten”, shkruan fansi në mesazhin që ia dërgoi Gashit.
Ky i fundit e ka publikuar në Instastory bisedën për të thënë se për këtë gjë duhet të shkruajnë mediat, dhe jo për incidentin që ndodhi në festival.
