Komedia e famshme “How to lose a guy in 10 days”, është një ndër filmat më të ndjekur e të pëlqyer që prej vitit 2003 kur u publikua dhe për të gjithë fansat e saj, vjen lajmi i bukur!
Filmi do të kthehet në serial dhe ne s’mund të ishim më të lumtur se kaq!
Skenaristi i filmit, Guy Branom, njoftoi në një status në profilin e tij në ‘Twitter’ se platforma për të parë filma, ‘Quibi’, i kishte dhënë atij mundësinë për të risjellë filmin ‘How to lose a guy in 10 days’.
Për personat që u ka shpëtuar kjo komedi, historia vërtitet rreth një vajze e cila shkruan për një revistë të njohur një artikull se si të humbasë një djalë për 10 ditë, ndërkohë që një djalë vë bast me shefin e tij se mund ta bëjë një vajzë të dashurohet për 10 ditë. Gjithçka nis kur vajza dhe djali takohen së bashku.
Kujtojmë se në role kryesore në komedi janë Kate Hudson dhe Mathew McConaughey.
