Mbrëmjen e kaluar Drejtoria e Hetimit Tatimor ka bllokuar gjigantin Taiwan për shkak të mungesës së kuponit tatimor.
Lajmin e ka bërë të ditur zëvendëskryeministri Erion Braçe në një postim në Instagram, ku njofton se nga sot do të mbyllet restoranti, kafeneja, kazinoja dhe çdo shërbim që ofronte ky kompleks.
“KY ËSHTË TAIVANI!
NGA DJE NË MBREMJE I MBYLLUR I GJITHI!
Mu në zëmër të Tiranës dhe pa asnjë-zero kupon tatimor në çdo tavolinë! Për herë të dytë!
Kështu që mbyllur kefeneja, mbyllur restoranti në katin e parë mbyllur restoranti në katin e dytë, mbyllur kazinoja! Mbyllur të gjitha!
Të jesh kush të duash, i madh sa të duash, mik e shok me kë të duash, ose zbato ligjin, ose do mbyllesh!
Mos kërko kot, nuk të ndihmon dot kërkush!
Dua të falenderoj edhe një herë inspektorët e Hetimit Tatimor Qendër për korrektësinë në kryerje të detyrës,
ministren Denaj, drejtuesit e Tatimeve dhe cilindo të përfshirë në këtë perpjekje konstante për ligjshmeri”, shkruan Erion Braçe.
Kompleksi ndodhet në zemër të Tiranës dhe për herë të dytë është kapur pa kupon tatimor. Në asnjë prej tavolinave nuk ka pasur kupon, prandaj Drejtoria e Hetimit Tatimor është detyruar ta mbyllë.
