Balerina e njohur e trupës së Albi Nakos, Albana Dako, u bë nënë për herë të parë në muajin maj të këtij viti.
Ajo solli në jetë një djalë të cilin e pagëzoi me emrin e veçantë Laos.
Vetë balerina e ndau lajmin e bukur të ardhjes në jetë të foshnjës në një postim në Instagram, ndërsa së fundmi ka vendosur të na tregojë portretin ëngjëllor të të birit.
Në profilin e saj, Albana ka ndarë me ndjekësit disa foto të ëmbla me vogëlushin të cilin e mban në krahë plot dashuri. Siç e shohim në fotot e publikuara, Laos ka ngjashmëri të madhe me mamanë e tij.
Kujtojmë se prej kohësh Albana është larguar nga ekrani duke iu përkushtuar tërësisht të birit dhe ende nuk dihet se kur do të rikthehet sërish në televizion.
