Ajo është përfolur shumë për një romancë me sulmuesin e Kombëtares shqiptare, por Nevina Shtylla nuk ka konfirmuar asgjë duke na lënë pezull.
Moderatorja na ka bërë të dyshojmë me komentet që i le Eros Grezdës, por vetëm kaq, pasi prova të tjera nuk kemi.
E megjithatë “Panorama Sport” shkruan sot se ka zbuluar lidhjen e vërtetë të moderatores bukuroshe.
Nuk bëhet fjalë për futbollist por për një jurist, pasi i tillë është profesioni i të dashurit të saj, Arbrit, një ndër studentët më ekselentë sipas “Panorama Sport”.
Arbër Myftari, një djalë shumë simpatik, mjaft serioz është djaloshi fatlum që thuhet se është në një romacë me një ndër vajzat më të bukura të ekranit shqiptar.
“Nevina dhe Arbri jo vetëm që kanë një lidhje të gjatë dhe shumë të fortë mes tyre, më shumë sesa trevjeçare, por bashkëjetojnë prej më shumë se një viti në Tiranë”, shkruan “Panorama Sport”.
Madje Arbri po e shoqëron Nevinën në pushimet e saj, edhe pse nuk duket në asnjë foto që moderatorja publikon! Ai ka një profil privat në Instagram, e megjithatë nuk ka qenë e vështirë të sigurohen disa foto të dyshes.
