Prej disa ditësh Ilda Bejleri është vënë në qendër të mediave për shkak të karrierës së saj televizive.
Ka disa ditë që në media përflitet për një largim të mundshëm të saj nga Digitalb.
Pas 11 vitesh karrierë në këtë platformë, thuhet se prezantuesja seksi do të largohet dhe shkak është bërë një debat me Dritan Shakohoxhën.
Ilda ka zgjedhur që të mos japë asnjë deklaratë lidhur me këto lajme, por me sa duket një postim i bërë së fundmi nga miku i saj, Olti Curri, tregon se Ilda është duke punuar për një projekt të ri.
Në foton e publikuar në Instagram Olti shfaqet krahas Ildës dhe tregon se po festojnë për një projekt të ri të saj.
“Duke festuar me Ilda Bejlerin rrugëtimin e ri në një super projekt”, shkruan Olti, i cili me këtë foto duket se konfirmon lajmet.
Kujtojmë se në media thuhet se Ilda sezonin e ri do të shfaqet nën logon e Top Channel përkrah Ed Manushit.
