Ditën e sotme, forca të shumta police kanë rrethuar Teatrin Kombëtar, për të larguar materialet të cilat ndodhen brenda teatrit dhe për të bërë shembjen e godinës.
Në mbrojtje të teatrit janë mbledhur qytetarë të thjeshtë, pedagogë e artistë, disa prej të cilëve janë përplasur me forcat e policisë dhe janë larguar me forcë nga këta të fundit.
Gazetarja e “News24” ka publikuar në profilin e saj në Instagram një video prekëse të aktorit Neritan Liçaj, i cili shfaqet i përlotur përpara godinës, teksa mban një fletë në dorë.
Liçaj i është bashkuar protestuesëve kundër shembjes së teatrit, ndërsa të pranishmit e kanë ngushëlluar aktorin që i kishte sytë me lot.
