Duhet të bëheni një turist i vërtetë, për të shijuar vërtetë vendin ku do të udhëtoni. Duhet të mësoni si të eksploroni vende e reja pa u etiketuar si turistë, ndërsa mund të zbuloni qytete të panjohur dhe do të shkoni aty ku vendasit janë.
Qëndroni në lagjet e vendasve
Përpara se të rezervoni hotel apo apartament bëni një kërkim dhe kuptoni cilat janë lagjet më të mira dhe më pak turistike. Kështu do ta pini kafen e mëngjesit tek bari poshtë apartamentit (hotelit), duke shkëmbyer pse jo një bisedë të shkurtër me komshinjtë e përkohshëm.
Bëni aktivitet fizik
Duke vrapuar në Barcelonë p.sh. do të zbuloni rastësisht lagje të reja, rrugica simpatike dhe shumë vende të tjera që ndoshta duke mbajtur radhën për të hyrë ne Sagrada Familia nuk do t’i zbulonit kurrë. Prisni, nuk po themi të mos vizitoni Sagrada Familia, duhet ta shihni patjetër.
Merrni një biçikletë me qira
Sigurisht, nëse shkoni në Amsterdam, është e domosdoshme të merrni një biçikletë me qira. Por, po në Romë, Berlin, Pragë? Nëse doni të zbuloni vërtetë qytetin merrni një biçikletë dhe argëtohuni. Nuk është nevoja të ndiqni gjithmonë hartën, thjesht shijoni shëtitjen dhe merrini qytetit çdo gjë që ofron. Do të zbuloni vende të reja shumë larg gjurmëve turistike.
Relaksohuni
Nuk doni të jeni një turistë i zakonshëm? Ok, është e thjeshtë. Bëni çdo gjë që bëni kur jeni në shtëpi në fundjavë. Larg turistëve, turmave dhe radhëve të gjata. Zbulojeni qytetin në mënyrën tuaj. Një pasdite me diell në park, duke parë fëmijët që luajnë dhe duke gëzuar jetën.
Darkoni në një lagje të panjohur
Ku? Është e qartë që nuk do t’ju rekomandojmë të hani pranë ndonjë atraksioni turistik. Në këto zona duhet të tregoheni të vëmendshëm sepse çmimet janë dyfish më të shtrenjta se në një zonë më pak të njohur. Për një eksperiencë autentike, pyesni afër zonës ku po qëndroni. Vendasit do t’ju japin alternativën më të mirë për të ngrënë një darkë të shijshme, pa shpenzuar shumë dhe larg masës.
Burimi: Brightside
