Për disa vite me radhë në Kosovë realizohet një konkurs vjetor me hedhje nga një lartësi e madhe në lumin Drin.
Në konkurs marrin pjesë disa konkurentë të cilët hidhen nga 22 metra lartësi në urën e quajtur “Ura e Shenjtë”.
Ky kompeticion ka tërhequr vëmendjn e mediave të huaja, të cilat e cilësojnë si “hedhja e djallit”.
“The Independent” ka publikuar në profilin zyrtar në Instagram një foto të shkëputur nga hedhja e një pjesëmarrësi dhe shkruan: “Një i ri hidhet nga 22 metra lartësi gjatë kompeticionit të përvitshëm “Hedhje nga lartësia” nga një urë në afërsi të qytetit të Gjakovës”.
Kompeticioni realizohet për të 67-tin vit dhe ka pasur një shkëputje të shkurtër gjatë luftës së Kosovës.
