Prej disa ditësh, në media po përflitet për romancën e re të Dua Lipës me vëllain e motrave Hadid, Anwar-in. Pas ndarjes nga Isaac Carew, Dua u fotografua në momente intime në krahët e 20-vjeçarit , ndërsa tashmë çifti ka vendosur të dalë hapur publikisht.
Në Instastoryn e saj, Dua ka publikuar disa herë video me Anwar-in, i cili në postimin e fundit shfaqet duke bërë një gjest të ëmbël për partneren e tij. Ai ka shkruar në bluzë shkronjën “D” për Dua Lipën, ndërkohë që këngëtarja e filmon.
Mirëpo,veç gjestit të ëmbël, vëmendjen na e tërhoqi një tjetër detaj. Thonjtë e Anwar-it, të cilët i ka lyer me manikyr në ngjyra të ndryshme dhe i ka gjysmë të fshirë.
Mesa duket, vëllai i motrave Hadid pëlqen të jetë i veçantë në stil dhe të luajë me ngjyrat jo vetëm në veshje, por edhe në thonjtë e tij.
