Duhej të ishte një fundjavë e këndshme në kanionin e Holtës por u kthye në një tragjedi pasi një vajzë 24-vjeçe nga Lushnja u mbyt pasditen e sotme, ndërsa 6 të tjerë, mes tyre 4 fëmijë fatmirësisht u shpëtuan.
Viktima është Tila Sallaku, e cila kishte shkuar për të kaluar fundjavën në kanionet e njohura së bashku me vëllanë, një 50-vjeçar, mik të familjes dhe disa persona të tjerë, pjesë e një gudie me 33 persona, të ndarë në dy grupe.
Por dy grupet të ndara në 18 dhe 15 persona nuk kanë qenë të organizuara mirë duke humbur kontaktet. 7 personat humbën kontaktet me pjesën tjetër, ndërsa u morën nga rrjedha e ujit që u shtua si pasojë e prurjeve të larta nga reshjet e shiut, raporton “Report TV”.
Fatmirësisht grupet e shpëtimit arritën që të nxirrnin nga kanionet 4 fëmijët, ndërsa më pas vëllanë e viktimës edhe mikun e familjes, ndërsa 24-vjeçarja u gjendet e pajetë.
