Prej disa ditësh rrjeti po zien nga lidhja e re e Dua Lipës me vëllain e motrave Hadid, Anwar. Pas ndarjes nga Isaac Carew, këngëtarja u pa në shoqërinë e 20-vjeçarit teksa putheshin e përqafoheshin dhe mund të themi me bindje se lidhja e tyre po bëhet serioze, pasi dy motrat e Anwar, Gigi dhe Bella, nisën të ndjekin Dua Lipën në Instagram. Madje, Gigi e shoqëroi të vëllain në njërin prej koncerteve të Duas.
Mirëpo, jo të gjithë janë dakort me lidhjen e re të këngëtares. Shumë prej ndjekësve në rrjete sociale kanë shkruar se Dua shkonte më shumë si çift me Isaac, sesa me Anwar.
Ndërkohë që këngëtarja shijon romancën e re, Isaac ka bërë një postim thumbues në profilin e tij në Twitter dhe të gjithë po mendojnë se e ka me Duan.
“Për aq kohë sa e dini (emoji gjarpri). Mendoj se fama dhe paraja janë një faktor i madh.”- shkruan Isaac në postim, pa sqaruar asgjë më tepër për këtë thumb.
