Megjithëse për shkak të angazhimeve të tjera nuk ka mundur të jetë në festën e diplomimit të të vëllait, Rita Ora e ka uruar të voglin e familjes, Donin, në Instastoryn e saj.
Këngëtarja ka publikuar momentin kur i vëllai ka marrë diplomën e tij në dorë dhe krahas postimit e ka uruar atë publikisht.
“Motër krenare! Je personi im i vogël i preferuar, por jo më një person i vogël.”- janë fjalët e Ritës për të vëllain.
“Ai ja doli!”- shkruan Rita në një tjetër postim.
Megjithëse Rita nuk mund të ndodhej në festën e diplomimit, pjesa tjetër e familjes ishin të pranishëm në gëzimin e Donit dhe kanë ndarë në rrjete sociale foto me të. Mamaja, Vera Ora ka postuar një foto ku i shpreh djalit urimin e saj për diplomimin.
Gjithashtu edhe e motra, Elena ka pozuar krah të diplomuarit dhe po ashtu si Rita, i tregon publikisht se është tepër krenare për të.
