Të gjithë e dimë se reperi i njohur Noizy ka një dashuri të madhe për fëmijët. 7 vite më parë, ai i dedikoi një këngë emocionuese vajzës së tij Leandrës, të titulluar “Noku Vogël”, me të cilën preku zemrat e të gjithëve. Reperi publikon shpesh foto e video në Instagram ku tregon sesi kujdeset për mbesën e tij, Praylën dhe herë pas here e kemi parë të vizitojë Shtëpinë e Fëmijëve në qytetin e Durrësit, ku i dërgon ushqim dhe lodra jetimëve.
Së shpejti, dashuria e tij do të shkojë edhe për pjesëtarin më të ri të familjes, pasi Noizy do të bëhet dajë për herë të dytë. Reperi e ka ndarë lajmin e bukur me të gjithë fansat nëpërmjet një fotoje në Instastory, ku tregon se ende nuk e ka mësuar gjininë e fëmijës që motra e tij po pret.
“Dajë për herë të dytë”, shkruan Noizy krahas fotos, shoqëruar me disa emoji me sytë me zemra, duke lënë të kuptohet se është shumë i lumtur për këtë lajm.
Ai i ka kërkuar ndjekësve të votojnë sipas mendimit të tyre se ç’gjini do të ketë bebushi që do të vijë në jetë, të cilin me siguri Noizy po e pret me padurim.
