Ditët e fundit temperaturat ekstreme kanë pushtuar Europën dhe jo vetëm.
Temperaturat kanë kapur shifra shumë të larta dhe thuajse në të gjithë botën po hasen çrregullime të kohës.
Së fundmi në internet po qarkullon një video kur tregon se në Grenlandë qentë e dëborës po vrapojnë në ujë.
Ka qenë shkencëtari Steffen Olsen ai i cili ka ngritur këtë problem ku tregon se akujt kanë shkrirë si pasojë e temperaturave të larta.
Në këtë periudhë të vitit qentë e dëborës duhet të vraponin mbi akull, megjithatë këtë vit gjërat kanë ndryshuar.
Edhe Alaska është e rrezikuar pasi para pak kohësh aty temperaturat arritën 32 gradë.
Kjo është shifra më e lartë e temperaturës për këtë zonë.
