Pak kohë më parë këngëtari i njohur i grupit ‘Jonas Brothers’, Joe, i dha fund beqarisë në një ceremoni mjaft private që u zhvillua në Las Vegas.
Ai dhe e dashura e tij Sophie Turner celebruan dashurinë e tyre menjëherë pas përfundimit të ‘Billboard Music Awards’ dhe të pranishëm ishin vetëm pak persona.
Por për të gjithë ata që menduan se e lanë me aq, Joe dhe Sophie ju tregojnë se po shkojnë drejt altarit për herë të dytë dhe ceremonia do të jetë madhështore.
Së fundmi ata janë fotografuar në Paris teksa po shijojnë ditët e fundit para martesës. Sophie është shfaqur mjaft seksi e veshur me një fustan të bardhë që i tregon linjat e saj perfekte, ndërsa Joe mbante të veshur një kostum të frymëzuar nga vitet 1990.
Aktorja 23-vjeçare dhe këngëtari 29-vjeçar duket se do të zhvillojnë dasmën e tyre këtë të dielë dhe ata kanë zgjedhur një nga vendet më romantike.
Dasma e tyre vjen disa muaj pasi vëllai i Joe, Nick celebroi dashurinë e tij me Priyanka Chopra.
