Tristan Thompson theu heshtjen pas skandalit të tradhtisë duke shkruajtur një urim publik për ish-partneren Khloe Kardashian në rrjetet sociale.
Pak më parë, Tristan Thompson postoi në Instagram një foto të Khloe-t me vajzën e tyre True dhe duke e konsideruar mamanë e vajzës së tij “njeriu më i bukur, brenda e jashtë”.
“Gëzuar ditëlindjen, Khloe Kardashian”, e nis Tristan-i, “Je njeriu më i bukur që kam njohur, brenda e jashtë. Faleminderit që je një mama e mrekullueshme për princeshën tonë True. Ajo është e bekuar që ka dikë si ti për shembull. Të uroj veçse sukses dhe uroj që pozitiviteti të bekojë rrugën tënde. Shijoje ditën tënde, Koko.”
Sigurisht, komentet në këtë postim janë të limituara prej Tristan-it, për shkak se e keni parasysh, pasi tradhtoi gruan me shoqen e ngushtë të kunatës, njerëzit nuk janë fort dashamirës me të.
Deri më tani, asnjëra nga Kardashian-et nuk e ka pëlqyer postimin. Në fakt, asnjëra nuk e ndjek.
Pas skandalit ku u përfshi Jordyn Woods, shoqja e ngushtë e Kylie Jenner-it, Khloe u nda përfundimisht nga Tristan-i.
Megjithatë, ai bleu një vilë të re 6,5 milion dollarëshe vetëm 25 minuta larg shtëpisë së saj, veçanërisht për shkak të vajzës, True.
