Janë publikuar sot disa foto të rralla të realizuara pas sulmit terrorist të 11 shtatorit 2001 në SHBA.
Fotot që janë realizuar gjatë operacionit të pastrimit të Ground Zero, japin një vështrim të trishtë të pasojave të tmerrshme nga sulmi.
Rreth 2.400 imazhe u gjetën në një aparat Canon Powershot G1 që e kishte një anëtar i paidentifikuar i ekuipazhit të pastrimit të Qendrës Botërore të Tregtisë, i cili ka ndërruar jetë.
Fotot shfaqin një imazh të shkretë të rrënojave metalike të veshura me pluhur që na kujtuan edhe njëherë tragjedinë e madhe që tronditi botën.
