Pak ditë më parë në media qarkulloi lajmi se prezantuesja e motit, Alba Hoxha është shtatzënë. Shkak për këto aludime u bë veshja e balerinës, e cila prej disa kohësh ekspozohej ne media vetëm me rroba të gjera. Sipas fansave kjo është një mënyrë që Alba po përdor për të mbuluar barkun e rrumbullakosur.
Por me sa duket ky lajm nuk ka qenë i vërtetë dhe këtë e ka treguar Alba Hoxha në një përgjigje për ndjekësit e saj në Instagram.
“A janë të vërteta lajmet se je shtatzënë”, shkruan një fans.
“Jo”,- i përgjigjet Alba duke e shoqëruar me një emoji të inatosur.
Kujtojmë se Alba prej kohësh përflitet në media për një marrëdhënie të mundshme me koreografin Albi Nako, me të cilin është fotografuar disa herë. Megjithatë lajmi nuk është konfirmuar ende, pasi pak kohë më parë qarkulloi lajmi se dyshja është ndarë sepse nuk ndjekin njeri-tjetrin në Instagram.
