Devis Xherrahu do të martohet me partneren e tij Ertemiona Mejdani!
Lajmin e ka dhënë në një intervistë për “Panorama Plus”, vetë këngëtari, i cili ka pranuar se do të ketë dasmë por data do të mbetet surprizë!
I pyetur nëse dëshiron të bëhet baba së shpejti ai tha se e mirëpret një fëmijë kurdo që të vijë:
“Fëmija është dhuratë e Zotit dhe ne e mirëpresim në çdo moment!”
Këngëtari u pyet edhe për xhelozinë e partneres dhe jetën e natës që bën dhe ai u përgjigj me mjaft seriozitet:
“Do ju jap një përgjigje ndryshe për këtë pyetje! Nëse e keni parë filmin “Beni ecën vetë”, unë jam ai Beni pasi u kthye nga fshati në rastin konkret, pra, s’kishte nevojë që t’i rrinte mamaja më nga pas se mos ftohej apo sëmurej (qesh). Dua të them që Ertemiona më njohu në kohën kur unë ecja vetë pa u ndikuar nga rastësitë që ofron nata. Aq më tepër, e përsëris, kur në rastin tonë ekziston pasioni dhe kimia”.
