Aktori i njohur i humorit Gaz Paja dhe bashkëshortja e tij Ira Seferi i dhanë fund beqarisë më 1 qershor të këtij muaji. Dyshja celebroi dashurinë e tyre në një ceremoni luksoze me mbi 300 të ftuar.
Mirëpo ndërkohë që të gjithë ishin duke pritur që aktori të zbulonte vendin romantik ku do kalonte muajin e mjaltit, ndodhi e kundërta.
Aktori është mjaft i ngarkuar me punë dhe nuk ka mundur të shijojë muajin e mjaltit. Ai po përgatitet për të nisur turin e tij veror me ‘Portokallinë’ dhe duket se kjo i zë gjithë verën.
Ditën e sotme aktori ka qenë së bashku me Kryeministrin shqiptar në një nga takimet me qytetarët dhe Rama nuk ka nguruar ta ngacmojë për muajin e mjaltit.
Teksa aktori tregoi se muajin e mjaltit po e kalon në punë, kryeministri e pyeti se si po e pret bashkëshortja e tij këtë gjë.
“Përpiqet të ambientohet”, -shprehet aktori.
Me siguri muajin e mjaltit e kanë shtyrë për në një moment tjetër, kështu që jemi duke pritur gjithë sy e veshë të shohim fotot e tyre.
