I njihni këta vogëlushë? Sot janë të famshëm në Shqipëri dhe për t’ju ndihmuar po ju themi që janë këngëtarë!
Me siguri që nëse nuk do t’ju thoshim se bëhet fjalë për Beatrix dhe Alban Ramosaj, nuk do t’i njihnit aspak.
Ka qenë Albani ai i cili i ka publikuar këto foto të vjetra për t’i uruar motrës së tij ditëlindjen.
Këngëtarja feston sot 25-vjetorin dhe ka marrë urime pafund në këtë ditë të veçantë. Por më i veçanti mbetet ky urim i vëllait të saj, i cili është ndjerë nostalgjik dhe ka publikuar disa foto nga fëmijëria.
“Gëzuar ditëlindjen Beatrix Ramosaj”, shkruan ai në Instagram ku ka publikuar fotot e vjetra.
Këto pamje na ngjallën shumë kujtime e megjithatë një gjë është e sigurt, Albani dhe Beatrix janë shumë fotozhenikë!
