Pas akuzave se ka abuzuar me një modele të quajtur Najila Trindade Mendes de Souza, kanë dalë pamjet se çfarë ndodhi vërtet në dhomën e hotelit ku po qëndronte Neymar.
Ylli i PSG e ka quajtur thjesht një zënkë normale debatin që pati me modelen. Por në videon e publikuar nga mediat braziliane duket se mes tyre ka pasur një përplasje fizike.
Neymar shihet i shtrirë në krevat kur modelja i afrohet, i hip sipër dhe i kërkon ta përkëdhelë. Më pas ajo nis ta godasë ndërsa ai i kërkon të qetësohet:
“E di pse do të të godas? E di pse? Sepse më sulmove dje. Më le vetëm këtu”, dëgjohet të thotë modelja.
Për këtë video ka folur edhe babai i sulmuesit brazilian:
“Mendoj se nuk kam pse të mbroj djalin tim për ndonjë gjë. Imazhet flasin vetë dhe është e qartë në video. Këto pamje do provojnë se Neymar është ai që u sulmua. Ajo e provokoi, është shprehur babai i futbollist të PSG.
Modelja i ka bërë akuzat publike duke dalë në televizion për t’u shprehur se ka pasur sulm fizik dhe agresion ndaj saj.
