Ata të dy kanë qenë një ndër çiftet më të përfolur të showbiz-it shqiptar po e bërë akoma publike lidhjen e tyre.
Por që kur e pranuan se po përjetonin një histori dashurie së bashku, duket se të gjithë fansat e dyshes Fero-Arbenita (Feronita) janë të etur për detaje të marrëdhënies së tyre, që çifti vetëm së fundmi ka filluar t’i bëjë publike.
Si për të përmbushur këtë dëshirë, Fero së fundmi ka zbuluar disa të pathëna të lidhjes së tyre në emisionin “Ce Soir”, ku ka zbuluar për herë të parë se në çift, ai është më xhelozi.
“Më xhelozi jam unë. Jam xheloz në përgjithësi dhe xheloz i keq! S’ka përse të xhelozoj, por jam!”-është shprehur reperi duke qeshur gjatë intervistës.
Por kombinimi “vajzë yll e bukur me profesion modele – i dashur xheloz” duket se nuk përbën një problem për çiftin.
I pyetur nëse e shqetëson fakti që Arbenita punon si modele e sigurisht lakmohet nga shumë meshkuj të tjerë, Fero u shpreh: “Jo aspak!”
Reperi i njohur madje u shpreh se është krenar për faktin që si ai, edhe Arbenita është e suksesshme në fushën e saj.
Ai gjithashtu rrëfeu se pavarësisht se mbajnë një lidhje në distancë, ai në Kosovë e ajo kudo nëpër botë ku duhet të jetë për të realizuar sete fotografike, mundohen të takohen sa më shpesh, herë në Kosovë e herë atje ku ndodhet Arbenita.
Fero gjithashtu foli dhe për këngën e shumëpritur që do të publikohet së shpejti dhe që do ta sjellë atë në një formë që deri më tani nuk e kemi parë.
“Do ta sjell shumë shpejt një këngë. Më ka ardhur turp të bëja një këngë për dashuri dhe madje herën e parë që kam inçizuar i kam nxjerrë të gjithë nga studio sepse më vinte turp. Por kënga e re do të jetë për dashurinë. Do të jetë shumë e bukur dhe do të jetë në një ishull që do ta privatizoj.”- u shpreh Fero dhe siç është kuptuar tashmë nga postimet në Instagram, protagoniste do të jetë pikërisht e dashura e tij, bukuroshja Arbenita Ismajli (lexo këtu).
