Moderatori i famshëm Ardit Gjebrea ditën e sotme na ka njohur me spotin e “Kënga Magjike 2019” përmes së cilit fton këngëtarë, studio produksioni, kompozitorë dhe autorë tekstesh të jenë protagonistë.
Por edicioni i 21-të i festivalit në fjalë kësaj here është i projektuar ndryshe nga herët e tjera, siç sapo bëri me dije Arditi përmes videos së postuar.
“Këtë vit në Kënga Magjike veç artistëve në netët finale do të votojë edhe publiku, këtë vit do të votojë edhe Juria e New Artist, vetë Juria këtë vit do të ketë ndryshime, këtë vit… nuk po i tregoj të gjitha, di vetëm që ky edicion do të jetë thjesht ai që do donte publiku dhe artistët! Ndaj kush mendon të jetë pjesë e magjisë 2019, le të fillojë përgatitjet që tani, të tjerat na i lini ne”, shkruan moderatori i njohur.
https://www.instagram.com/p/ByDmtJhB9PA/
Për të gjithë të interesuarit vlen të theksohet fakti se këngët do të dorëzohen vetëm më 2 dhe 3 shtator pranë “Tv Klan” në Tiranë…
