Nuk ka më Eva Longoria! Aktoren e njohur tashmë duhet ta quani Eva Baston. Urimet në drejtim të saj dhe bashkëshortit të ri José Antonio Bastón vijnë pas martesë së shumëpritur të shtunën në Valle de Bravo, Meksikë.
Pjesë e gëzimit të tyre u bënë të ftuar intimë, përfshirë Victoria dhe David Beckham, Katy Perry, Penelope Cruz, Ricky Marti dhe Melanie Griffith.
Ceremonia u zhvillua në liqenin Avandaro, ku Longoria dhe Baston shkëmbyen betimet para një kryqi të bardhë nën një kopsht elegant me lule të bardha. E gjithë përralla u filmua ekskluzivisht nga televizioni lokal në Meksikë “Al Rojo Vivo”. Videoja e plotë është planifikuar të publikohet në Telemundo të hënën.
Nusja dukej e mrekullueshme në një fustan të bardhë të dizajnuar nga mikesha Victoria Beckham, ndërsa dhëndri kishte veshur një kostum me tre pjesë nga Brunello Cucinelli.
“Në kopshtin tonë, rrethuar nga të ftuar të paktë, njerëz që ne i duam, Pepe dhe unë vumë kurorë’, shkroi aktorja në “Instagram”-in e saj. Victoria Beckham, si një mikeshë e afërt e Eva-s, i dedikoi asaj disa fjalë të veçanta: “Urime Eva Longoria! Gruaja më e bukur, më e zgjuar që kam njohur. Ndihem e nderuar që mund të të quaj shoqe! Çfarë dite e mrekullueshme, mbushur plot dashuri!”.
Eva ishte e qeshur gjatë gjithë dasmës, ashtu si bashkëshorti i saj, Jose Baston, presidentit të televizionit më të madh meksikan, Televisa. “A mundej të ishte më i pashëm se kaq?”, ka shkruar Eva në foton e tyre të martesës, ku duken të buzëqeshur drejt altarit.
Martesa e tyre kulmoi në një spektakël fishekzjarrësh edhe pse ishte një ceremoni intime, këtë moment patën mundësi ta shijonin të gjithë.
Shfletoni galerinë.
Burimi: People/ Harper’s Bazaar
