Pesë persona janë plagosur pasi shoferi i një autobusi të transportit publik në Tiranë, ka humbur kontrollin e mjetit.
Mjeti është përplasur me bordurën e një rruge në Tiranë duke lënë 5 pasagjerë të plagosur, pa rrezik për jetën.
Policia bën me dije se aksidenti ndodhi rreth orës 21.45, në segmentin rrugor Institut-Bathore.
Të lënduarit po marrin ndihmën e parë mjekësore, ndërsa grupi hetimor po punon për sqarimin e plotë të rrethanave të ngjarjes.
