Aktorja e njohur Eva Grimaldi, që është cilësuar si ndër më të bukurat e kinematografisë italiane ndër vite, i ka dhënë fund beqarisë me politikanen dhe aktivisten Imma Battaglia.
Eva dhe Imma i thanë “Po” njëra-tjetrës në një festë të organizuar në natyrë. Fotot e para të dasmës kanë dalë dhe Eva shkëlqente e veshur me një fustan rozë nga Miccio, kurse Imma me një kostum blu.
Pas gati 9 vitesh të lidhura, Eva dhe Imma mblodhën të gjithë njerëzit e afërm dhe miqtë për të festuar kurorëzimin e dashurisë së tyre.
Ato zbuluan pak muaj më parë se do të martoheshin pasi Eva kishte propozuar Imma-n, dhe kjo e fundit kishte pranuar:
“Ta gjesh dashurinë në moshën 50-vjeçare është një gjë e rrallë dhe kjo na ndodhi ne. Zemra nuk urdhërohet. Më tha ‘Po’”, shkroi Eva në një postim në Instagram, ku tregoi se e kishte bërë ajo propozimin për martesë.
Dëshmitar i kësaj martese ishte Gabriel Garko ish-partneri i Eva Grimaldit.
