Këngëtarja Beatrix Ramosaj gjithnjë bën dedikime për babanë e saj i cili fatkeqësisht nuk jeton më.
Nëse ai do ishte gjallë, sot do festonte ditëlindjen dhe siç mund ta imagjinoni dita e sotme është një ditë e mbushur me pikëllim për Beatrixin.
Ajo nuk ka ngurruar që të ndajë me ndjekësit një dedikim të ndjerë për babanë e saj, me të cilin këngëtarja ka qenë shumë e lidhur.
“Gëzuar ditëlindjen babi! Shpresoj që të kesh një festë të mrekullueshme me engjëjt atje lart. Na mungon çdo ditë. Çfarë shpirti i bukur që ishte… Parajsa është e bekuar që të ka ty babi!”- mbishkruan bukuroshja në një foto ku shfaqet me të atin.
