Siç ishte paralajmëruar prej ditësh, para pak minutash ka mbërritur në Shqipëri trupi i pajetë i major Klodian Tanushit i cili humbi jetën në krye të detyrës gjatë misionit të NATO-s në Letoni.
Ceremonia e parë pritëse është bërë në aeroportin e Rinasit, ku ndër të tjerë pjesëmarrës ishin Ministrja e Mbrojtjes Olta Xhaçka, prindërit e të ndjerit, bashkëshortja dhe djali i madh.
Raportohet se ditën e nesërme nga ora 10:00 deri në orën 12:00 do të zhvillohen homazhet dhe Ceremonia Shtetërore te Muzeu Historik Kombëtar.
Lamtumira e fundit 39-vjeçarit do t’i jepet në Varrezat e Dëshmorëve në Tiranë. /balkanweb.com
