Reperi shqiptar Don Phenom ka pranuar për herë të parë publikisht se është në një lidhje romantike.
Në një intervistë për emisionin “Nd’rrimi i Natës” në Klan Kosova, ai tha se nuk e ka problem të tregojë që është në një lidhje.
“Po kam të dashur. Pse të mos e pranoj se jam në lidhje? Shqiptare është”, tha ai duke mos dashur të zbulojë emrin e saj.
Por reperi nuk e pati problem aspak që të thotë emrin e dashurisë së tij të parë, me të cilën ka qenë i lidhur kur ka qenë 13 vjeç:
“E dashura ime e parë ka qenë kur isha 13 vjeç, është portorikane, e ka emrin Shaolin dhe nuk ka për ta parë këtë emision hiç! Të përshëndes”, tha Don Phenom duke qeshur para kamerës.
Gjatë lojës “Haje ose thuaje” moderatori Alaudin Hamiti e pyeti reperin për emrin e të dashurës VIP, me të cilën ka thënë se ka pasur një lidhje dhe Don Phenom refuzoi të përgjigjej.
Ai pranoi se ka qenë i lidhur me një nga vajzat e njohura të ekranit por nuk ia tha emrin për të respektuar partneren aktuale që ka në shtëpi:
“E di si është problemi, si unë dhe ti e dimë që jemi të lidhur tani dhe nuk duam ta ofendojmë atë që kemi në shtëpi. Për këtë arsye do e ha këtë specin”.
