Ka nisur protesta e katërt kombëtare e opozitës përmes së cilës kërkohet rrëzimi i kryeministrit Edi Rama, krijimi i qeverisë tranzitore dhe zgjedhjet e parakohshme. Forca të shumta policie janë të vendosura para kryeministrisë, ndërkohë që masa të shtuara ka edhe para Kuvendit.
PD-ja ka kërkuar leje deri në mesnatë, por policia i ka dhënë lej vetëm për dy orë. Në një podium para kryeministrisë do mbahen fjalime.
Kujtojmë se një ditë para protestës, Ambasada Amerikane në Tiranë bëri thirrje që çdokush që merr pjesë në protestë të distancohet nga dhuna.
Në terrën ka efektivë, agjentë civilë, dron, automjete të hedhjes së ujit si dhe garda e republikës do të jenë të angazhuara si plan i masave për të monitoruar dhe ndërhyrë në çdo moment nëse protesta e opozitës do të bëhet e dhunshme.
Shtyllat janë lyer me graso, ndërsa është vendosur mbrojtësja tek dera e jashtme e Kryeministrisë, por edhe rrethimi me gardh metalik.
Burimi: shqiptarja.com
