Replikat në distancë mes Olti Currit dhe Fjoralba Ponarit vazhdojnë.
Dy ditë më parë gazetari dhe opinionisti i njohur Olti Curri thumboi përmes një videoje Fjoralba Ponarin, sipas tij për një gafë që ajo kishte bërë. Olti kishte shkëputur një copëz nga skenari i moderatores së programit “E diell”, në të cilën shprehej:
“Fatmirësisht sot të lindësh e bukur nuk është thjesht çështje fati, është edhe çështje profesionale”.
Pas videos replikat e drejtpërdrejta mes Oltit dhe Fjoralbës nuk kanë munguar:
Videoja u bë menjëherë virale dhe mesazhet kanë qenë të shumta ndaj Fjoralbës, aq sa moderatorja ka reaguar dje përmes një postimi publik në Instastory. Ajo shprehet se videoja e Oltit është shkëputur nga konteksti dhe është prerë qëllimisht për të krijuar efektin parodik.
“Të sqaroj pak dhe mesazhet që vijnë nga videoja e Oltit. Kujt mund t’i ketë shpëtuar le të shkojë të argëtohet pak. Unë bëj një lapsus që në vazhdim sqarohet dhe jepet ideja e gjësë që supozohej të prezantoja. Por qimja bëhet tra si zakonisht dhe videoja do humbiste efektin parodik, kshuqë e gjymtojnë. Kjo bën një të mirë ama, gjithë njerëzinë e palumtur e bën tok, argëtohen duke ofenduar. Propagandojnë lart e poshtë antibullizmin pastaj”.
Pas përgjigjes që moderatorja e emisionit “E diell” i dha përmes disa rreshtave në InstaStory edhe Olti i ka kthyer një tjetër përgjigje, duke i sqaruar Fjoralbës se çfarë është në të vërtetë bullizmi. Madje ai ka shkuar përtej kësaj duke i thënë që në këtë rast injoranca është mallkim!
“Unë kujtova se vajza ka bërë lapsus nga shpejtësia jo nga padituria. Bullizëm? As në google nuk di vallë të notojë se me librat kushedi kur është përballur për herë të fundit. Bullizëm është rasti i asaj vajzës së ndjerë që u nda nga jeta para pak ditësh prej dhunës dhe kërcënimeve, nuk është humori në Instagram. Kujdes me termat që hapin plagë, injoranca thotë italianët është bekim, por në këtë rast është mallkim”, përfundon mesazhin e tij Olti.
Burimi: Instagram
