Ditën e sotme pritet që të mbërrijë në Shqipëri trupi i nëntetares 32-vjeçare, Zarife Hasanaj që ndërroi jetë pas një shpërthimi në bazën Adaze, në Letoni.
Në orën 12:45 në bazën ajrore të Rinasit do të organizohet ceremonia e pritjes së trupit të pajetë të nëntetares.
Ndërkohë, të premten, 10 Maj, ora 10 – 11:30 në hollin e Pallatit të Kongreseve do të zhvillohen homazhet për nder të efektives së FA dhe në 11:45 – 12:30 ceremonia shtetërore me pjesëmarrjen e përfaqësuesve të lartë të shtetit, po te Pallati i Kongresese.
Zerife Hasanaj u nda nga jeta në krye të detyrës si pjesë s misionit të NATO-s në Letoni, ndërsa dy ushtarakë mbetën të plagosur. Major Klodian Tanushi 39 vjeç është në gjendje të rëndë dhe rreshter Julian Kapaj 41 vjeç, jashtë rrezikut për jetën.
